Ака уйǎхĕн 22-27 кунĕсенче Мӑн Ямашри пĕтĕмĕшле пĕлÿ паракан вǎтам шкулта чǎваш чĕлхипе  литература эрни иртет. Эрнене чǎваш чĕлхипе литературǎна вĕренекен эрнелĕх ĕç  планĕпе паллаштарнинчен пуҫларӗ . « И. Я. Яковлев – аслӑ вӗрентекенӗмӗр» ятпа  кĕнеке куравĕ йĕркелерĕ. Куравра ачасем чǎваш халǎхне çутта кǎлараканӗ И.Я.Яковлев ĕçĕ – хĕлĕпе çыхǎннǎ кĕнекесемпе паллашрĕç. «Чǎваш халǎхне панǎ халал» куравра тĕп вырǎн йышǎнчĕ.

5-9 класра вĕренекенсемпе «Ырра вĕрентни кирек хǎш вǎхǎтра та усǎллǎ» ятпа вулав урокĕсем иртрĕç. И.Я.Яковлевǎн «Çитĕннĕ вǎхǎт» асаилÿ тĕрленчĕкĕпе тата ǎса вĕрентекен хайлавсемпе паллашрĕç. Тǎван чĕлхене упрама, пĕр-пĕрне йывǎрлǎхра пулǎшма,ĕçчен тата спайлǎ пулма тǎрăшмаллине тепĕр хут çирĕплетрĕç вӗренекенсем.